25 мамырда Мәскеудегі «Металл өңдеу-2021» халықаралық мамандандырылған көрмесінде отандық және шетелдік машина жасау кәсіпорындары басшыларының кездесуі өтті.
Қазақстан машина жасаушылар Одағы Ресей-Қазақстан Іскерлік кеңесі мен Ресей машина жасаушылар одағының қолдауымен ұйымдастырған «ЕАЭО аясында машина жасауды дамыту перспективалары» атты дөңгелек үстел отандық және шетелдік машина жасау кәсіпорындары басшыларының қатысуымен болды.
Өз сөзінде Қазақстанның Ресейдегі өкілі елдегі инвестициялық климатқа ерекше назар аударып, тартылған агенттер үшін тартымды жағдайлар туралы айтып өтті.
Өз кезегінде ЕЭК Мемлекеттік сатып алу саласындағы бәсекелестік саясаты департаментінің мемлекеттік сатып алу саясатын жүзеге асыру бөлімінің басшысы Әділбек Бектібаев ЕАЭО-ның мемлекеттік сатып алулары арқылы өнеркәсіптік кооперацияны қолдау туралы, сондай-ақ ЕАЭО-дағы мемлекеттік сатып алулар көлеміндегі Қазақстанның үлесі 2020 жылы 12,5 пайызды, ақшалай есептегенде 16,89 миллиард АҚШ долларын құрағанын атап да өтті.
Содан кейін МЖО орынбасары Ерқанат Мақанов қатысушыларға Қазақстанның машина жасау саласының даму көрсеткіштері туралы айтып, Қазақстандағы машина жасау өнімдері өндірісінің серпіні мен импортының көлемін көрсететіндігін айқындады. Сондай-ақ қатысушыларға өнеркәсіптік кооперация перспективалары және мұнай-газ, тау-кен металлургиясы және ауыл шаруашылығы машинасын жасаудағы өзара тиімді ынтымақтастық туралы да айтылды.
Саймон Эйнштейн