Автокөлік өнеркәсібі, металлургия және сауда 2026 жылы Қазақстанның ЖІӨ өсімін қамтамасыз етеді
Үкіметтің болжамына сәйкес, 2026 жылы Қазақстан экономикасының өсімі өңдеуші өнеркәсіп, құрылыс, көлік, сауда, сондай-ақ азық-түлік пен сусындар өндірісі есебінен қамтамасыз етіледі. Бұл басым бағыттар Премьер-министрдің орынбасары – ұлттық экономика министрі Серік Жұманғариннің төрағалығымен өткен кеңесте айтылды.
Ең жоғары өсім қарқыны машина жасау саласында күтілуде — 13,4%. Бұл өсімге автокөлік өнеркәсібі айтарлықтай үлес қосады: Astana Motors Manufacturing Kazakhstan және KIA Qazaqstan зауыттарының іске қосылуы есебінен 2026 жылы жеңіл автомобильдер өндірісін 17%-ға арттыру жоспарлануда. Металлургия саласында жаңа кәсіпорындардың толық қуатқа шығуы нәтижесінде өндіріс көлемі 3%-ға өседі деп күтілуде.
2026 жылы сауда көлемі 92,4 трлн теңгеге дейін жетуі мүмкін, ал химия өнеркәсібінде өсім 7% деңгейінде болжануда.